ماہنامہ عبقری - ستمبر 2008ء

گرمیوں کا موسم تھا، ہمارے گھر میں سانپ نکلا مگر ہم اسے مار نہ سکے۔ ہمارے گھر میں اکثر سانپ نکلتے رہتے تھے جن کو اکثر مار دیتے تھے مگر اس بار بچ کر نکل گیا۔ ایک دن میرا چھوٹا بچہ سکول سے گھر آیا تو سانپ اس کے قدموں میں آگیا، خدا خدا کرکے بچے کی جان بچی۔ وقفہ وقفہ سے گھر کے کسی نہ کسی کونے سے سانپ نمودار ہو جاتا۔ ہر بار بچ نکلنے میں کامیاب ہو جاتا۔ایک رات ہم صحن میں چارپائیوں پر بیٹھے تھے۔ بچے نیچے بیٹھے تختیاں لکھ رہے تھے۔ میں بچی کو تختی پر کچھ لکھ کر دے رہا تھا۔ کیا دیکھتا ہوں کہ سانپ میرے چھوٹے بچے کے بالکل قریب پہنچ چکا ہے۔ میں نے تختی اسے ماری لیکن ایک بار پھر وہ جان بچانے میں کامیاب ہوگیا۔ آخر تنگ آکر میں نے ذیل کا نسخہ استعمال کیا۔ سانپ بھاگ گیا پھر سالو ں تک ہمارے گھر میں سانپ نظر نہ آیا۔ یہ نسخہ میں نے کئی لوگوں کو استعمال کرایا۔ جن لوگوں نے استعمال کیا پھر ان کے گھروں میںسانپ نہیں آیا۔ نسخہ: ایک پا ﺅ امونیم کلورائیڈ کو پانچ سیر پانی میں گھول کر سوراخوں اور تمام مکان میں چھڑک دیں سانپ بھاگ جائے گا، کبھی کبھی چھڑکتے رہیں تو مکان میں سانپ نہ آئے گا ۔ پچھلا صفحہ